DIREITU FETO

Saida Mak Direitu?

Direitu katak:

·         Valor nebe ema hotu-hotu iha hahu kedas wainhira moris mai

·         valor universal nebe iha nanis ona iha valor kultura,relijiaun no moris familia ema hotu-hotu iha mundo ida ne’e no diretu nebe ita ida-idak iha sai ida deit

Laiha ema ida bele hadau.

Saida mak Diretu Feto:

Direitu feto katak: direitus ne’ebe ema feto ida iha, haree nia hanesan ema humanu ida ka hare nia hanesan feto ida.

 

Exemplu: Edukasaun; tuir kultura husi bei ala sira nia no sei uja too agora katak so oan mane deit mak iha direitu atu bele eskola too nivel aas, maibe oan feto wainhira remata eskola sekundaria hela iha uma ajuda inan aman tanba tuir sira nia hanoin katak feto eskola too nivel as mos hanesan deit resultado ikus mak fila fali mai dapur no feto hola mane ba hela hamutuk ona ho mane ka nia laen. Maibe Oan mane iha opportunidade liu eskola too nivel aas tanba tuir sira nia hanoin mane ne’e forte no bele sai hanesan lider ida ne’ebe bele ukun.

Bazea ba problema ida ne’e mak dala barak limita feto sira nia hanoin atu hakat ba oin no halo feto sira la bele atu dezenvolve an hanesan moos ho mane sira.

v  Tamba sa mak koalia kona ba direitu feto deit?

 

Iha direitu feto deit tamba: bazeia ba tempu pasado ka tempu uluk hatudu katak ema la dun tau importansia ba feto, la fo valor ba feto no la fo oportunidade ba feto atu partisipa iha aktividades oin-oin no moos iha vida politika.tamba sei  Iha diskriminasaun oin-oin hasoru feto hanesan trafiku humanus, la fo oportunidade ba feto atu hetan edukasaun, servisu no seluk-seluk tan.

Hare’e ba problema ida ne’e Nosoens Unidas (PBB) sira komesa tuur hamutuk hodi halao asembleia jeral ida hodi defende no koalia liu kona ba direitu feto nia liu husi konvensaun ida ne’ebe hanaran (CEDAW) husi konvensaun ne’e koalia haree liu ba halakon diskriminasaun oin-oin hasoru feto (CEDAW).

·         CEDAW hanesan konvensaun lei internasional ne’ebe proteje direitu feto iha sektores moris hotu-hotu. Konvensaun ne’e ho objektivu atu halakon diskriminasaun oin-oin hasoru feto, no hametin igualdade entre Feto no Mane.

·         CEDAW Hanesan instrumentu ka lei internasional atu proteje diretu feto

·         CEDAW Nudar mata dalan ba governu atu hare lolos saida mak governu presija halo ba feto atu bele iha duni diretu hanesan ho mane no laiha diskriminasaun.

 

CEDAW hetan ratifikasaun husi nasaun hamutuk 185, nasaun Timor Leste ratifika konvensaun ne’e iha fulan Desembru tinan 2002, no Parlamentu Nasional Timor Leste ratifika iha loron 16 fulan Maiu tinan  2003.

v  Tuir lei konvensaun kona ba Eliminasaun Forma Diskriminasaun oin-oin kontra feto

(CEDAW) parte II artigu 7,8 no parte III artigu 10 nia hateten katak:

 

Parte II

Artigu 7 kona ba:

·         Vota iha elisaun no referendum publiku hotu-hotu no bele sai kandidatu

·         Partisipa iha formulasaun guvernu nia politiku

Partisipa iha organizasaun non governmental no asosiasaun hotu-hotu.

 

Artigu 8

“Garante ba feto kona ba buat hotu ne’ebe hanesan ho mane no la halo diskriminasaun, hetan oportunidade atu reprezenta sira nia guvernu iha nivel internasional no partisipa iha servisu organizasaun internasional”.

 

Parte III artigu 10

“Kondisaun ne’ebe hanesan atu hetan kareira servisu, orientasaun vokasional, iha asesu ba estudu no hetan diploma iha kategoria edukasaun oin-oin iha area rural no urbanu”.

 

Iha artigu 17 konstituisaun RDTL tinan 2009 “Igualdade ba feto ho mane” katak feto ho mane iha direitu no dever ne’ebe hanesan iha vida familia, kultura, ekonomia, social no politika. No iha artigu 16 Konstituisaun RDTL ‘’Sidadaun hot-hotu hanesan iha lei nia oin no mos iha diretu no obrigasaun hanesan, labele halo diskriminasaun tamba deit nia kulit, nia ras, nia estadi sivil nia sexu, nia orijen etniku, nia lian,pozicaun sosial ekonomiku, hanoin politika ka ideolojia, relijiaun, instrusaun ka nia kondisaun fizika ka mental”.

 

Konstituisaun RDTL Artigu 63 ‘’ Partisipasaun politik sidadaun sira nian

Partisipasaun direta no ativa feto ho mane sira iha vida politik, lei halo promosaun konaba igualdade diretu sivil no politik.

Lei RDTL artigu 46 feto mos bele atu partisipa iha vida politik

Lei Parlamentar no 7/2011 Artigu 12 alinea 3 katak kada kandidatu nain tolu ida tengke feto

 

v  Deklarasaun diretus humanus aprova husi asembleia PBB iha loron 10 fulan desember 1948

·         Tuir deklarasaun universal diretus humanus katak: ema hotu moris iha liberdade no dignidade no direitu nebe hanesan kesi iha ema hanesan humanu no hanesan grasa nebe presija atu respeita, fo valor /valorija husi nasaun,justisa,governu no ema hotu.

·         Tuir lei no 39/1999: diretus humanus katak; direitu ema nian hanesan direitu nebe maka kesi iha ita ema desde ita moris mai.

·         Direitus humanus katak direitus fundamental nebe ita ema lori husi kedas  moris mai hanesan grasa ida husi maromak.

·         Diretus humanus katak direitu nebe ema ida-idak iha hanesan kodrat nebe labele fahe.

·         Diretus humanus katak: direitu nebe fo direitamente husi maromak hanesan buat nebe natural.

 

Koalia konaba Diretu presija mos hatene konaba ita nia Dever

 Dever hanesan responsabilidade ema ida nian atu atinzi ba objektivu ida.

a). Hanoin: antes atu halo buat ruma ka bazeia ba desizaun ruma persiza hanoin molok.

b). Analiza: bazeia ba desizaun ka hanoin hotu nebe ita iha persiza mos analiza

     - Parte Pozitivu

     - Parte Negativu

NB: Fo hanoin fila fali kona ba Kauza, Faktu no Konsekuensia

c). Halao, Implementa ka Pratika: wainhira ita hanoin no analiza ona hafoin mak ita deside atu pratika.

Bazeia ba ne’e hotu nudar responsabilidade no konsensia ema ida-idak nian hodi bele atinji ba direito nebe mak nudar ser-humano iha.