EDUKASAUN DEMOKRATIKU

SAIDA MAK EDUKASAUN

•      Edukasaun hanesan esforsu ho konsensia ne’ebe iha intensaun. Ida ne’e signifika katak iha objetivu ne’ebe bele atinzi.

•      Edukasaun mos hanesan atividade iha orientasaun ba objetivu.

SAIDA MAK EDUKASAUN  DEMOKRATIKU

•      Edukasaun demokratiku mak “edukasaun ne’ebe fo oportunidade hanesan ba kada ema atu hetan edukasaun iha eskola tuir ninia kapasidade”

TERMUS LEGAIS

Konstitusaun RDTL iha Art. 59:

Paragrafu 1 hateten katak “Estadu rekonyese no garante sidadaun hotu nia direitu ba edukasaun no kultura, nune’e mos harii sistema ensinu báziku universal, obrigatoriu no wainhira bele, saugati, tuir lei haruka.”

Paragrafu 2 “Ema hotu iha direitu hanesan, ba oportunidade atu eskola no ba formasaun serbisu/profisaun nian.”

SIGNIFIKADU DEMOKRASIA NO EDUKASAUN NIA PRESIZA

Demokrasia tuir disionariu baziku ilustradu Portugues (2002) katak “sistema político em que a soberania pertence ao povo” (p. 155).

Signifika katak idea ka presepsaun moris ne’ebe fo prinsipiu direitu no dever no hetan tratamentu ne’ebe hanesan ba sidadaun hotu-hotu, tamba povu mak nu’udar kbi’it ba soberania hotu no halo desizaun ba nasaun nia futuru.

Iha edukasaun, demokrásia hatudu ho konsentrasaun no esforsu ba estudante iha kondisaun ne’ebe normal (intelijensia, saude, kondisaun sosial, no seluk tan).

Prosesu demokrasia edukasaun normalmente sei halao entre edukadar no edukante iha ambiente amizade, tantu individual no kolektiva.

EDUKASAUN BA FOLIN UMANU

Iha asuntu ne’e demokrasia haree nudar pilar dahuluk atu asegura amizade direitu umanu hodi la hare seksu, tinan, rasa, kor kulit, relijiaun no nasaun.

Iha edukasaun demokratiku, valor sira ne’e mak hakuda ho haree diversidade entre individu sira, tantu relasaun entre edukante sira ka relasaun entre edukante ho edukador ne’ebe respeitu malu no hafolin malu.

MUDANSA HANOIN NE’EBE SAUDAVEL

Tau matan ba prinsipiu no hamoris ezistensia ideolojia katak ema tenke hetan edukasaun.

Husi edukasaun mak ema bele muda no dezenvolve an sai ema duni iha nia abilidade iha sosiedade nia laran.

Eskola nudar institusaun edukasaun presiza atetude ne’ebe demokratiku no la akontese obriga opiniaun ba ema seluk.

EDUKASAUN BA NESESIDADE NO UNIDADE

Fiar lolos katak abilidade ho karizma hala’o ninia servisu, hodi fo prioridade uluk nesesidade nasaun ka sosiedade duke nesesidade pesoal ka nesesidade grupu ki’ik.

Fiar lolos katak abilidade hodi kombate bosok sira no atetude sira ne’ebe hakarak hapara dezenvolvimentu no moris diak sosiedade no nasaun (Purwanto, 1994).

PRINSIPIU DEMOKRASIA SIRA IHA EDUKASAUN

•      Direitu fundamental sidadaun atu hetan edukasaun.

•      Oportunidade ne’ebe hanesan ba sidadaun atu hetan edukasaun.

•      Direitu no oportunidade bazeia ba sira-nian kapasidade (Indar, 1994).

IMPLEMENTASAUN DEMOKRASIA EDUKASAUN IHA TIMOR-LESTE

•      Artigu 59 Konstituisaun RDTL 2002

Paragrafu 1 hateten katak “Estadu rekonyese no garante sidadaun hotu nia direitu ba edukasaun no kultura, nune’e mos harii sistema ensinu báziku universal, obrigatoriu no wainhira bele, saugati, tuir lei haruka.”

Paragrafu 2 “Ema hotu iha direitu hanesan, ba oportunidade atu eskola no ba formasaun serbisu/profisaun nian.”

NIA IMPLEMENTASAUN MAK;

•      Haruka estudante eskola iha liur (Scholarship)

•      Halao akreditasaun ba Universidade no Institusaun sira.

•      Halao edukasaun eskolaridade “nove anos”

•      Aumenta eskola vokasional no teknika.

•      Fo formasaun ba familia no joven sira liu husi seminar ka enkontru.

•      Fo treinamentu ba joven ka emprezariu sira atu dezenvolve ekonomia iha setor privadu ka nasional. Ezemplu: IADE (Instituto de Apoio ao Desenvolvimento Empresarial), CDE (Centro Desenvolvimento Empresarial)

•      Cuban project for literacy: atu tulun povu ne’ebe seidauk konyese letra no numeru, nune’e mos fo treinamentu ba profesor/a sira kona-ba metodolojia aprendizajen no seluk tan.

 

SE NIA BELE, TAMBA SA HAU LABELE ?

SE NASAUN SELUK BELE, TAMBA SA HAU NIA NASAUN LABELE ?

 

HAU NIA NASAUN MAK HAU NIA UNIVERSIDADE

HAU NIA POVU MAK HAU NIA EDUKADOR