Prosesu Dialogu Suco Sagadate

Diálogu entre lider Komunitária ho kumunidade Suku Sagadate halao iha dia 27 de Mei 2010 ne’ebé huhu tuku 09.15 dadersan to’o tuku 05.30 lokraik, halao iha sede Suku Sagadate, partisipantes iha Diálogu ida ne’e mai husi liders Komunitária hanesan Señór Xefe Suku, Representante Juventude Mane, Juventude Feto, no Reprezentante  feto rua,reprejentante komunidade husi  kada aldeia, inklui mos Xefe Aldeia no Anxiaun hamutuk 32 pesoas, prosesu Diálogu  Komunitária ida ne’e simbolikamente loke husi Señór Xefe Suku Sagadate ne’ebé Modera husi co fasilitadór, iha Xefe Suku nia lia maklokek ba dahuluk nian apresia no agradese wain tebes ba Asia foundation ne’ebé suporta Diálogu ida ne’e ba sira nian Suku no enkoraza sidadaun Sagadate idak-idak ne’ebé partisipa  atu bele uza oportunidade ida ne’e hodi dezemvolve Suku  Sagadate sai diak liutan iha futuru. Remata tiha lian maklokek no kontinua husi fasilitadór Asia foundations nian durante prosesu diálogu esplika konaba funsaun Konsellu do Suku  tuir lei No 3/2009 ,no valór dezempeñu Konsellu tinan uluk  no diskusaun grupu,  antes atu remata partisipante hotu-hotu hato’o sira nian espresaun’’husi lia nain Sr. Aurelio da costa pereira katak’’  obrigadu barak ba Asia foundation tanba husi dader to’o iha lokraik ida ne’e ami simu informasaun no aprende buat barak tanba ami bele hatene ida-idak nia funsaun iha Suku nomos konaba knaar Konsellu Suku nian. Nomos liafuan husi reprejentante juventude mane Sr: sebastiao mendes Pereira katak’’ ami simu ho kontente tanba bele hatene ami nia funsaun maibe iha parte balun ne’ebé mak ami sente tristi tanba dala barak ami atu halao aktividade mais difisil oituan tanba ami laiha osanmentu ne’e duni ami husu ba NGO no Governu nia tulun hodi bele ajuda ami iha ami nia Suku, no ikus liu liafuan husi xefi Suku ‘’Sr: Aureliano de Jejus katak ‘’loron tomak ita partisipa iha Diálogu  ne’e hanesan fo dalan ba ita nomos esplika konaba ita nia funsaun no ita mai laos tanba osan maibe ita eleitu husi Povu ne’eduni ita tenke konsulta hamutuk halo planu hanesan Asia Foundation mai fo informasaun ba ita atu hatene ida-idak nia knaar. Neduni ami husu ba asia foundation atu mai fo treino nafatin atu ami bele hetan informasaun nafatin no ikus liu sefi Suku ho nia rekomenda katak ‘’sekarik ami nia vizaun hirak ne,e halo ba dokumentasaun  to,o ona iha ne’ebé ami mos hakarak hatene. No hau lori Suku sagadate nia naran hatene katak Asia foundation nia programa sei lao diak no sei lao  ho susessu.  buat ne’ebé Asia Fundations sei halo atu hadia dezenpeñu hirak ne’e maka sei fasilita treinamentu kontinuasaun, Diálogu Komunitáriu no ba oin sei fasilita nafatin treinamentu oinsa lidera sorumutu  konsellu Suku ba Xefe Suku no Sekretáriu sira inklui mos treinamentu ba reprezetante Juventude feto no mane atu sira  bele halao sira nian funsaun reprezetante ho diak.