Rezultadu Dialogu

Resultadu Diálogu

Resultadu  maka konsege formula Vizaun, saida maka konsellu Suku sei foku, no komunidade sei kontribui hodi hetan Vizaun Suku Sagadate Nian ba tinan lima  mak hanesan tuir mai ne’e:

Vizaun Premeiru;

Iha tinan lima oin mai komunidade Suku Sagadate sei asessu ba Bee mos,

Razaun fundamentál husi vizaun ne’e mak Komunidade ida ne’e seidauk assesu ba bee mos ne’ebé kanaliza ba hemu, haris, fase roupa no seluk-seluk tan.

Buat ne’ebé konsellu Suku tenke foku atu hetan bee mos maka:

Halo planu ho komunidade  kona ba proposta ba Governu no NGO hodi hetan vizaun ne’e nue’e mos koordena ho komunidade hodi garante manutensaun ba bee mos mak iha.

Buat ne’ebé komunidade sei kontribui atu assesu ba bee ;

Presiza partisipasaun apoiu fisiku ou non fisiku husi komunidade ba konsellu Suku

Persiza komunidade nian suporta liu husi servisu Voluntariu  iha Suku laran.

Vizaun Segundu;

Iha tinan lima oin mai iha ona sede aldeia

Razaun fundamentál husi Vizaun ne’e mak tanba to’o agora husi aldeia ida-idak difisil ba sira atu halo enkontru no rai sasan ka materiál Suku nian ne’ebé mak suporta husi NGO ka Governu.  

Buat ne’ebé konsellu Suku Sagadate tenke foku atu hetan vizaun ba sede aldeia mak;

kria relasaun diak ho Governu, NGos hodi hato’o proposta nune’e bele  realiza vizaun ne’e iha tinan lima nian laran oin mai.

Buat ne’ebé  komunidade sei kontribui atu realiza Vizaun assesu ba sede aldeia maka;

Presisa servisu hamutuk entre komunidade ho konsellu Suku ba dezemvolvimentu Suku nian presiza partisipasaun no apoiu fisiku ou non fisiku husi  komunidade ba konsellu Suku perzisa komunidade ninian suporta liu husi servisu voluntariu / gotong royong iha Suku larang.

Vizaun Terseru;

Iha tinan lima oin mai ; iha Suku sagadate assesu ona ba estrada;

 Razaun fundamentál ba vizaun Terseiru ne’e maka komunidade husi Suku Sagadate seidauk assesu ba Estrada husi Suku ba aldeia nomos hakarak atu loke Estrada ba area rurais.

Buat ne’ebé konsehllu Suku tenke foku atu hetan vizaun ba Estrada :

kria relasaun servisu diak ho Suku vizinhu no servisu hamutuk ho Governu no Komunidade hodi bele realiza vizaun ne’e iha tinan lima oin mai.  

Buat ne’ebé komunidade sagadate sei kontribui atu realize vizaun ba Estrada mak:

Komunidade prontu servisu voluntaria ho Konsellu Suku atu halo manutensaun no limpeza regulár ba Estrada iha sira nia aldeia mai to’o iha Suku.

Vizaun Kuatru;

Iha tinan lima oin mai ihaSuku sagadate hetan ona Sentru treinamentu ba juventude:

Razaun ba vizaun ida ne,e maka :atu bele dezenvolve juventude nia kreaktividade iha Suku laran 

Buat ne’ebé konsellu Suku  tenke foku atu hetan  Vizaun ida ne’e maka ;

Halo planu no perpara proposta hodi hato’o ba Ministériu kompotente no NGO ne’ebé servisu ba area ne’e hodi realiza vizaun iha tinan lima nia laran.

Buat ne’ebé povu sei kontribui atu realiza vizaun ne’e maka;

servisu hamutuk ho konsellu Suku, hodi partisipa iha atividades ho voluntariu, no halo manutensaun ba fasilidade karik iha ona Sentru treinamentu.

Vizaun Sinku;

Iha tinan lima oin mai ihaSuku sagadate hetan ona Irigasaun ne’ebé diak ba natar;

Razaun fundamentál  ba vizaun ida ne’e maka; irigasaun sei sai diak iha tempu udan  no bele hetan fini ne’ebé  naton hamenos situasaun hamlaha no kiak iha Suku Sagadate.

Buat ne’ebé konshellu Suku tenke foku atu hetan  vizaun ida ne’e maka;

 loby,no Aprezenta planu  proposta  ba Governu no NGO sira hodi realiza vizaun ne,e

Buat ne’ebé povu sei kontribui atu realize vizaun ne,e maka;

Servisu  hamutuk ho konsellu Suku atu buka dalan partisipa iha aktividade  halo natar nian.