Diskusaun Kona-ba "Líder Beik Sira"

 Introdusaun

Dala barak ita rona termu "lider beik" ne'ebé uza iha diskusaun loro-loron nian. Naturalmente, termu ida ne'e hamosu polémika barak, tantu iha polítika, iha servisu fatin, no mós iha sírkulu sosiál sira. Iha artigu ida-ne'e, ha'u hakarak hateten tuir hau nia hanoin signifika husi termu ida-ne'e, tanba sá ida-ne'e mosu, no oinsá ida-ne'e fó impaktu ba ita-nia moris.

Interpreta "Estupidez" iha Lideransa

Ema bolu "beik" iha líder ida la'ós de'it kestaun intelijénsia nian. Dala barak, ida-ne'e mosu tanba falta vizaun, empatia, ka vontade atu rona ema seluk. Líder sira ne'ebé labele lee situasaun sira ka lakohi aprende hosi esperiénsia sira no la dezenvolvidu sira nia an.

Onestu, ita hotu hasoru ona líder sira ne'ebé maka impoin sira nia vontade lahó konsiderasaun ba ekipa nia idea ka hanoin, ka iha tendénsia polítika sira ne'ebé maka prejudika ema barak. Atitude sira hanesan ne'e dala barak estraga liu duké inkompeténsia akadémika. Ha'u fiar katak integridade no sensibilidade importante liu atu determina kualidade líder ida nian duké valor IQ de'it.

Impaktu husi Lideransa Inkompetente

Impaktu negativu husi lideransa "beik" konserteza la'ós halimar. Aspetu balun ne'ebé afetadu inklui:

Organizasaun sira sai estagnadu, tanba ideia foun no krítika konstrutiva nunka konsidera

Ekipa sira sente la hetan apresiasaun, hodi rezulta iha diminuisaun motivasaun no produtividade

Polítika sira ne'ebé la loos dala barak iha impaktu sira ba tempu naruk, hahú hosi krize sira konfiansa nian to'o lakon finanseiru sira

Ambiente serbisu ne'ebé tóxiku, ne'ebé bele hamosu demisaun sira, Ita ka ema ruma tenke tuur iha pozisaun lideransa, maibe lafo fó impaktu pozitivu ba sira ne'ebé hale'u ita.

Oinsá atu evita no ultrapasa ka responde ba ida ne'e

Ha'u sente importante atu fahe buat balun ne'ebé ita-boot bele halo atu minimiza fenómenu lider sira "beik" nian:

Kontinua aprende no loke ita-nia an, maski husi fonte sira ne'ebé ita la espera

Simu krítika sira lahó sente ameasadu

Envolve ita-boot nia ekipa iha prosesu foti desizaun atu nune'e ita-boot labele monu ba ita-boot nia perspetiva rasik

Introspesaun beibeik no admite bainhira ita-boot sala

Ema hotu-hotu iha poténsia atu sai líder, maibé la'ós ema hotu-hotu konsege sai líder ne'ebé di'ak. Ha'u fiar katak sai líder loloos maka kona-ba vontade atu moris no forsa hamutuk, la'ós sente perfeitu.

Konklusaun

Espera katak, diskusaun ida ne’e bele hamosu reflesaun, liu-liu ba ita ne’ebe agora dadaun iha pozisaun lideransa. Mai ita hotu soe stigma "beik" no haka'as an atu sai líder ne'ebé maka dezenvolve an beibeik ba bem komún.