SEKSU NO JÉNERU

SEKSU

Seksu refere ba karakteristika biologika no fisika feto no mane

Seksu buat ne’ebe ita iha hahu  kedas ona wainhira ita moris mai

Diferensia  biologiku no fisiku entre feto no mane hanesan tuir mai ne’e.

JÉNERU

 Jéneru mai husi liafuan Latin hanaran “Genus” katak tipu/jenis

Jéneru katak diferensia entre feto no mane kona ba sira nia papel, funsaun no mos responsablidade ne’ebe ita rasik mak kria tuir konstrusaun sosial no kultura.

Jéneru la hanesan iha fatin sira ne’ebe diferente, bele muda ka troka tuir desenvolvimento mundo nian husi tempo ba tempo.

Jéneru signifika mos relasaun poder entre feto ho mane.

DIFERENSIA FISIKU FETO NO MANE

Mane	Feto
Hasan rahun	Susun ne’ebe bele fo susu
Adam Apple/ kakorok musan	Ovarium
Penis	Vagina
Sperma	Partu
Mehi bokon	Menstruasaun
Testis	Isin rua

DIFERENSIA ENTRE SEKSU NO JENERU:

Seksu no jéneru la hanesan. Seksu katak diferencia entre feto ho mane hare ba biologiku no fisiku hahu kedas ita moris mai (tabela 1). 

Maibe jéneru  katak diferencia entre feto no mane iha sira nia funsaun, papel no responsabilidade ne’ebe ita rasik mak kria ka sai hanesan konstruksaun sosial ida ne’ebe ita bele muda tuir desenvolvimento mundo ida ne’e.

Jéneru katak hahalok, knaar, posisaun no valores ne’ebe hamosu ka forma husi sosiedade no kultura ba feto no mane hanesan ita bele hare husi parte balun tuir mai ne’e.

Hahalok/atitude: Mane tenke brani, labele manha no hanoin rasional. No ba feto ne’e manha, gosta tanis no emosional.

Kna’ar: Mane tenke servisu iha liur/edifisiu, to’os natar no buka osan atu sustenta familia no feto tenke servisu iha uma laran, hare’e labarik, hare’e familia, hare’e ema moras, hare’e uma no mos hare’e animal.

Pozisaun: Mane hetan posisaun ne’ebe aas hanesan chefe/líder, chefe familia no ema ne’ebe foti desizaun maibe feto sai ema ne’ebe numeru rua, tuir deit saida maka laen haruka ka deside.

Valores: Tamba ho hanoin sira iha leten maka sosiedade sempre tau mane ne’e importante liu feto hanesan iha kultura balun sosiedade tenki ezije inan hahoris oan mane tamba ho hanoin katak oan mane ne’e maka sei kontinua familia ne’e nia jerasaun ba oin.

Husi hahalok, kna’ar, posisaun no valores ne’e BELE TROKA husi mane ba feto. Hanesan mane bele emosional, feto mos bele brani. Hahalok, kna’ar, posisaun valores bele muda husi tempu ba tempu no husi fatin ida ba fatin seluk ne’e signifika jéneru.

DIFERENSIA SEKSU NO JENERU

SEKSU	JENERU
Iha kedas ona wainhira ita moris mai Diferensia karakteristiku biologiku no fisiku feto ho mane Feto: menstruasaun, Partu, fo susu,	Ita ema maka kria Bele muda Bele troka Tuir kultura idak–idak nian Laos kodrat (ema maka halo)